ГФК„Осогово“ во пресрет на стартот на подготовките за новата сезона во ВМФЛ Исток се екипира на играчки план.
Од клубот информираат дека безмалку цел тим од минатата сезона е задржан, па истите играчи ќе бидат носители на играта во новиот шампионат.
Соработката со нов договор е продолжена со: Андреј Ивановски, Никола Стоиловски, Христијан Крклински, Силвио Ангеловски, Андреј Ричков, Влатко Коцев, Ѓорѓе Глигоров, Борис Донев, Александар Недановски, Тоше Манов, Алекандар Гаврилов, Бобан Здравевски, Драган Паунов и Даријо Трајановски.
Во одност на составот од минатата сезона која беше прекината поради добро познати причини, договорот не е обновен само со Филип Георгиев и Никола Димовски. Голманот Дарко Атанасовски се реши да ја заврши кариерата.
Филип Михаилов и Глигор Дончев кои беа позајмени играчи се вратија во редовите на Академија Пандев.
Како што беше претходно најавено, кон првата екипа се приклучени шест младинци, а тоа се: Стојанче Тренчев, Бојан Стојанов, Марко Соколов, Љупче Пејов, Иван Станојев и Борис Стоилков.
Во следниот период ќе бидат ангажирани и четири до пет нови засилувања.
