Членовите на Ротари клубот „Кочани – Виница“ денеска донираа 2 тони храна за социјално загрозени семејства од општините Кочани и Виница во пресрет на празниците Бадник и Божиќ.
Станува збор за донација на пакети со храна и хигиена што се обезбедени од средствата што се собраа на Оризовата вечер што ја организираше Ротари клубот „Кочани – Виница“ во октомври минатата година.
– Со цел да донацијата допре до сограѓаните на кој најповеќе им е потребна, акцијата за дистрибуција на пакетите е во соработка со невладнините организации „Благородна Мисија“, „Мобилност“, „Воскресение“ од Кочани и „Умиление“ од Виница, здруженија кои најтесно соработуваат со оваа категорија на сограѓани, истакнаа од Ротари клубот „Кочани – Виница“.
Целта на ваквата акција е да се помогне на социјално загрозени семејства за подостоинствено прославување на Бадник и Божиќ.
И. Матеничарски
