Ротари клубот „Кочани – Виница“ денеска ја предаде во употреба донацијата на противпожарна заштитна опрема наменета за Територијалните противпожарни единици од Кочани и Виница, како и за пожарникарите доброволци од Доброволното противпожарно друштво Кочани.
Донацијата во кругот на Територијалната противпожарна единица – Кочани на командирите лично им ја врачи Сашко Андонов, претседател на Ротари Клубот „Кочани – Виница“.
–
Во склоп со нашите активности превземени во минатот период Ротари Клуб Кочани-Виница денес се изврши примопредавање на противпожарна заштитна опрема која ја обезбедија нашите пријатели од доброволните противпожарни друштва на Словенија. Опремата од 40-тина заштитни одела со заштитни кациги, чизми, млазници, кислородна боца, дрегер, потпона пумпа и црева е распределена и предадена на ТППЕ Кочани, ТППЕ Виница и Доброволното Противпожарно друштво Кочани – истакна од Ротари клубот „Кочани – Виница“.
Оттаму испратија апел до граѓаните на будност, претпазливост и трпеливост во топлите летни денови кога сме во природа за да не се повторат несаканите глетки од претходната година.
-Изразуваме голема благодарност до пријателите од доброволните друштва на Словенија и им посакуваме на ТППЕ Кочани, ТППЕ Виница и Доброволното Противпожарно друштво Кочани да имаат што е можно помирно лето“ додадоа од Ротари клуб „Кочани – Виница.
