101 КОЧАНСКА (НЕ)ЗГОДА…+1 се интересни хумуристични случки од Кочанско, напишани во делото „Погреб со смеење“ на м-р Доне Донев. Сите ликови и настани во (не)згодите се вистинити и се имаат случено. Интернет порталот Гласно.мк ги објавува во серијалот „Секој петок по една“ со дозвола на авторот.
Делба
Пишува: Доне Донев
За штеф во болницата за нервни болести
Бил Штеф во Штип во болницата за нервни болести десетина дена и требало да го пуштат единаесеттиот ден.
Докторите и сестрите знаејќи го како мајтапчија, решиле да го зафркаваат малку пред да си отиде. Го викнале кај нив во амбулантата вечерта кога дежурале и почнале со зафрканции на кои Штеф дупло им враќал. Пред да си легнат, еден невропсихијатар му рекол:
– Штеф, утре ќе те пуштиме, ама под еден услов. Да ни ја решиш оваа задача. Види Штеф, ти во рацете држиш четири јабуки, а треба да ги поделиш на пет души. Како ќе постапиш?
– Па овака докторе, на четворицата ќе им дадам по една, а ја јабуки не јадам, ја само пијам. За мене само ракија да има. Сите се изнасмеале и утредента го пуштиле./крај
Неповторливиот Штеф
Сите заинтересирани читатели што сакаат да ја купат книгата „Погреб со смеење“, може да се пријават во коментар или во порака на фејсбук страницата на интернет порталот Гласно.мк.
Адаптација: И.Матеничарски
