Реконструкцијата на игралиштето во дворот на Подрачното училиште „Никола Карев“во селото Грдовци е на самиот крај.
Градежната механизација денеска го поставуваше асфалтот на повеќенаменскиот терен со димензии 22 х 33,6 м.
Според информациитена стручните служби игралиштето ќе биде оградено од една страна, ќе бидат поставени клупи и канти за отпад, а реквизитите ќе бидат освежени. Овој терен, покрај тоа што се користи за часови по физичко, е добредојден за рекреација на жителите од селото, какои за организирање турнири во мал фудбал.
Реконструирани и подготвени за користење се и повеќенаменското игралиште воТркање и игралиштето за мал фудбал во Прибачево.Привршува изградбата и на детското игралиште во Трговскиот центар, каде денеска се поставува гумената подлога. Уредувањето ќе продолжи со озеленување на околината и поставување урбани елементи.
Годинава се изградија нови детски игралишта на пет локации во центарот на Кочани,Грдовци, во Белското Маало, населбата Драчевик, а ќе се довршува и малата инсталација спроти Ветеринарната станица.
Наредниот период е најавена реконструкција на останатите игралишта во градот и во населените места, како и целосна реконструкција на детското игралиште во населбата Бавчалук.
