Општинската организација на Црвен крст – Кочани денеска ја реализираше предвидената ноемвриска крводарителска акција.
На редовната крводарителска акцијата крв даруваа 31 дарител и истата се спроведе во соработка со Институтот за трансфузиона медицина – Скопје.
За текот на акцијата изјава за медиумите даде Анета Коцева, секретар на Црвен крст – Кочани.
-Ова е планирана акција за месец ноември и овие акции се редовни секој последен четврток од месецот. Акцијата започна во 8:30 до 14 часот. Акцијата се спроведува заедно со Институтот за транфузиона медица Скопје. До крајот на годината се планирани уште три крводарителски акции, две во средните училишта во Кочани, како и уште една редовна акција на крајот од месецот во Црвен крст Кочани, изјави Коцева.
Воедно, граѓаните може да даруваат крв секој понеделник и четврток во Службата за трансфузиона медицина – Кочани или секој последен четврток во месецот во просториите на Црвениот крст.
И. Матеничарски
Фото: А. Арсов
