Почитувани сограѓани,
Кризата предизвикана од пандемијата со корона, не ги попречи капиталните инвестиции.
Спротивно на тоа, капиталните проекти продолжија и тоа со забразана динамика. Градиме инфраструктура за сите, во вонредни околности, почитувајќи ги мерките за заштита. На овој начин ѝ помагаме на економијата во многу важен период.
Наследивме руинирана држава во која расипнички се трошеа пари за споменици додека патиштата, болниците, градинките и училиштата ни се распаѓаа. Наследивме хаос во неплански и недомаќински планови за патишта. Наследивме фрлани пари на граѓани во дупки без дно.
Ние имаме спротивен пристап. Европски пристап. Инвестираме во најнеопходните работи за современа држава – инфраструктурата. Инвестираме во иднината и во самоодржливоста. Инвестираме во зелената инфраструктура и ги менуваме застарените и дотраени објекти со нови кои овозможуваат подобри перформанси.
Ги развиваме спортско-рекреативните капацитети за да овозможиме простор за нови навики на нашите граѓани.
На Пониква, на Осоговските Планини, во тек е реконструкцијата на една од старите воени згради наменетa за планинарски дом, како дел од проектот „Планински велосипедски рај“. Овој проект опфаќа и изградба на патеки за планински велосипедизам во вкупна должина од 35 км, на релацијата Пониква – Брана Гратче – Кочани.
Со овој проект се проширува туристичкиот потенцијал, се подобрува актуелната туристичка понуда со посебен акцент на планинарството, планинскиот велосипедизам. Кочани и Осоговските Планини го заслужуваат тоа бидејќи поседуваат одлични услови за авантуристички туризам и се чест избор за организирање на велофестивали и слични други настани.
Овој проект, финансиран од ИПА 2 доверителскиот фонд на Европската Унија е еден од низата инфраструктурни инвестиции кои се реализираат на територија на Општина Кочани.
Продолжуваме понатаму!
Заедно можеме уште повеќе, уште подобро!
Ви благодарам,
Марија Ангелова, секретар на ОО СДСМ Кочани
