Средните училишта во Македонија ги отворија вратите за упис на средношколци во новата учебна 2022/2023 година.
Годинава новитет е електронското аплицирање за упис на новите средношколци преку посебен систем изработен од Министерството за образование и наука.
Во СОУ „Љупчо Сантов“ – Кочани има 254 слободни места, распоредени во десет класа од кои четири во гимназиска и исто толкав број во економска струка. Исто така деветоодделенците се запишуваат и во новите две дуални паралелки во профилите бизнис администратор и хемиско-лаборантски техничар.
Како што информираа од СОУ „Љупчо Сантов“ интересот на деветтодделенците за запишување во гимназијата е поголем од лани. Најатрактивни се паралелките од гимназиското образование каде има најголем интерес за запишување како и дуалните паралелки.
Критериуми за избор се средниот успех на ученикот од 6 до 9 одделение, како и средниот успех постигнат по четири предмети (мајчин и странски јазик и два предмети што се од зачење за струката), средна вредност од поени за поведение, како и дипломи од освоени места на државни и меѓународни натпревари.
И. Матеничарски
Фото: A. Арсов
