Вчера во Кочани беше спречен уште еден обид за подметнување пожар во населбата Усова чешма, но благодарение на брзата интервенција на кочанската противпожарна единица пожарот беше брзо локализиран и изгаснат. Постоеше опасност од проширување на пожарот кон селата Оризари и Пресека.
Мештаните го забележале потпалувачот и се обиделе да го фатат, но тој успеал да им побегне.
„Затоа апелираме до сите совесни граѓани да ги пријавуват лицата за кои се сомневаат дека се обидуваат да потпалат оган и да предизвикаат пожар. МВР работи на пронаѓање на идентитетот на потпалувачот. Меѓу другото се прегледуваат и снимките од камери поставени околу местото на потпалувањето“, соопшти Центарот за управување со кризи.
