Регионалното здружение на слепи и слабовидни лица од Кочани денеска ги организираше традиционалните Петровденските средби кои по повод празникот на градот Петровден се реализираат традиционално неколку години наназад.
На овогдинешните Петровденски средби учествуваат слепи и слабовидни лица од повеќе здруженија од државата и се можност за меѓусебна дружба и размена на мислења и предлози за подобрување и олеснување на животот на слепите лица во државата.
– Петровденските средби се одлична можност за дружба на слепите и слабовидни лица од целата држава. Денеска имаме гости од здруженија од Прилеп, Кавадарци, Неготино, Штип, Струмица, Скопје, а наш гостин е и претседателот на Националниот сојуз на слепи и слабовидни лица. На денешната средба играме друштвени игри, се забавуваме и запознаваме со членовите кои не ги познаваме. Дискутираме за нашите секојдневни проблеми и разменуваме идеи за подобрување и олеснување на животот на слепите и слабовидни лица во целата држава, истакна Тоше Илиев – претседател на Здружението на слепи и слабовидни лица – Кочани.
Здружението на слепи и слабовидни лица – Кочани е регионално здружение и опфаќа општини од Истончниот регион на државата во кое членуваат над 120 членови.
И. Матеничарски
