Локалната самоуправа на Општина Зрновци ја реализираше најавената трибина за креирање на општинскиот Буџет за 2023 год.
На денешната средба со граѓаните беа презентирани проектите реализирани во 2022 год., а граѓаните имаа можност да дадат свои предлози за реализација на проекти во 2023 год.
– Ние во 2023 год. ќе започнеме со веќе обезбедени средства за изградба на канали за наводнување и каскади на река Зрновка, во висина од 9,5 милони денари. Реализација на проект што ќе реши повеќедецениски проблеми на земјоделците во Зрновци. Денес ги слушнавме и предлозите и идеите од страна на граѓаните. Заедно со Советот на Општина Зрновци ќе се потрудиме да изнајдеме средства за реализација на предложенте проекти, вклучувајки и изготвување на проект за комплетно реновирање и реставрација на спортското фудбалско игралиште во Зрновци и изградба на Спортска куќа во која ќе бидат предвидени повеќе простории за тренинг на различни дисциплини – истакна Борчо Коцев, градоначалник на Зрновци .
Во програмата за 2023 год. предвидени се предлог капитални проекти и изработка на проектни документации во делот на инфраструктурата, комунални работи, образование и посебен акцент на младите и нивно анимирање во заедницата.
– Општина Зрновци има мал и лимитиран Буџет, но со транспарентно презентирање на реализираните проекти и размислувања за наредната година преку идеи на граѓаните се надевам дека ќе успеат да се реализираат приоритетните проекти потребни за граѓаните на Зрновци, истакна Никола Мицевски , пратеник во Собранието на Р.М од редовите на ВМРО – ДПМНЕ.
И. Матеничарски
