Општинската организација на Црвен крст – Кочани денеска ја реализираше предвидената февруарска крводарителска акција.
На редовната крводарителска акцијата крв даруваа 34 дарители и истата се спроведе во соработка со Институтот за трансфузиона медицина – Скопје.
За текот на акцијата изјава за медиумите даде Анета Коцева, секретар на Црвен крст Кочани.
-Денешната акција е втора редовна крводарителска акција во 2021 година што се спроведува во просториите на Црвен крст – Кочани. Дарителите може да даруваат крв секој последен четврток во месецот во Црвен крст Кочани. Денешната акција се реализира со поддршка на Институтот за трансфузона медицина – Скопје, изјави Коцева.
Според докторот Ветон Чиче, од Институтот за трансфузиона медицина – Скопје, забележливо е незначително намалување на бројот на крводарувања во однос на минатата години.
„Дарувањето на крв е намалено за околу 20 до 30 отсто во однос на минатата година. Се верува дека незначителното намалување се должи на стравот на дарителите од инфекција со Ковид-19, но уверуваме дека ние ги преземаме сите мерки за заштита и крводарувањето е целосно безбеден процес.“, истакна Чиче.
Сопоред трансфузиологот Чиче, нема дефицит на крв и крвни продукти и ситуацијата со крвни резерви е стабила.
„Упатувам апел до сите млади лица да се вклучат во крводарувањето бидејки тоа е единствен начин за обезбедување на крв и крвни продукти во државата“, додаде Чиче.
Граѓаните може да даруваат крв секој понеделник и четврток во Службата за трансфузиона медицина – Кочани или секој последен четврток во месецот во просториите на Црвениот крст.
И. Матеничарски
Фото: A. Арсов
