Учениците и наставниците во ООУ „Св. Кирил и Методиј“ со поддршка на Училишниот клуб на Црвен крст – Кочани денеска ги реализираа хуманитарните новогодишни спортски „Игри без граници“.
Во спортската сала „Сашо Лазарев Чапо“ пред преполната сала учениците од шесто до деветто одделение поделени во тимови се натпреваруваа во четири спортски игри пред публиката од соученици од кочанското основно училиште.
– Настанот е од забавно – хуманитарен карактер. На влезот на спортската сала се поставени кутии за донации на средства од присутните на настанот. Средствата кои училиштето ќе ги искористи за набавка на пакетчиња на социјално ранлива категорија на дечиња кои учат во училиштето. Дел од учениците од 6 –то до 9-то одделение ќе се натпреваруваат на активности од спортски карактер подготвени од наставниците по физичко и здравствено.
Од ООУ „Св. Кирил и Методиј“ истакнаа дека планираат хуманитарната активност да прерасне во традиционален предновогодишен настан на училиштето.
По повод успешно завршување на спортските игри, директорот на училиштето, Даниел Кралев додели благодарници на сите вклучени во реализација на хуманитарно – забавниот настан.
