По повод празникот Рамазан Бајрам, градоначалникот на Општина Кочани, Љупчо Папазов упати честитка до верниците од исламската вероисповед, во која се вели:
Почитувани,
Во пресрет на големиот муслимански верски празник Рамазан Бајрам, на сите верници од исламската вероисповед во Кочани им го честитам и им посакувам овој празник да донесе спокој, мир и радост во домовите. Меѓусебното почитување и човековите вредности нека бидат заедничката водилка која сите ќе нѐ обединува.
Да градиме меѓучовечко разбирање и сите заедно да продолжиме кон градење на соживот и подобро општество, со што заеднички ќе бидеме пример за идните генерации кои доаѓаат.
Љупчо Папазов
Градоначалник на Општина Кочани
