Општина Кочани, распиша јавна објава за ангажирање на дваесетневработени лица за достава на акти. Ангажманот на лицата ќе се реализира со договор на дело, а ангажираните ќе вршат достава на решенија за данок на имот за физички и правни лица, решенија за комунална такса за физички и правни лица и опомени за данок на имот или комунална такса.
Доставата ќе се врши на територија на општина Кочани, а паричниот надоместок е 20 денари од достава на еден акт.
Заинтересираните треба да имаат завршено минимум средно образование и да поднесат пријава со лични квалификации, адреса и телефон за контакт.
Пријавите со документацијата се доставуваат во Едношалтерската канцеларија на Општина Кочани или по пошта на адреса: ул. Раде Кратовче бр.1, 2300 Кочани.
Јавната објава трае до 15 март 2021 година.
