Со вакцините на прозиводителот АстраЗенека од утре започнува имунизацијата на населението во двата вакцинални пунктови во Општата болница со проширена дејност – Кочани.
Вакцината први ќе ја примат лицата над 75 годишна возраст кои се пријавени преку електронскиот систем за пријавување за вакцинација.
Како што информираше директорот на Општата болница со проширена дејност – Кочани, Д-р Александар Серафимов вакцините се пристигнати, а болницата и медицинскиот персонал е подготвен и обучен за старт на имунизацијата. Пунктовите ќе работат во периодот од 08 ч. до 14:30 ч. а пријавените граѓани ќе се вакцинираат по претходно утврден термин.
Капацитетот на модуларната болница за нега на ковид пациенти е целосно исполнет. Во неа се лекуваат 35 пациенти од кои 15 се на кислородна поддршка. Пациенти се хоспитализираат и на пренаменетото одделение на физикална медицина каде се третираат лица со полесна симптоматологија. Општата болница со проширена дејност – Кочани во моментот располага со доволен број на болнички кревети, бидејки доколку се јави потреба на располагање ќе се стават и дел од интерното одделение и хирургија.
Според последниот извештај на Министерството за здравство во Кочани активни се 237 случаи на заразени лица.
И. Матеничарски
Фото: А. Арсов