Кочани денеска е домаќин на Втората регионална берза на винили во организација на Македонскиот рок-архив во рамки на седмичната културно – уметничка програма по повод празникот на градот Петровден.
На плочникот во Паркот на револуцијата изложени се разновидни грамофонски плочи на домашни и странски изложувачи, а љубителите на грамофонски плочи имаат можност да купат или разменат од големиот избор на изложувачите.
Во рамки на настанот „12 часа урбан здив“ отворена е и изложба со наслов „Македонската рок музика на насловните страници на печатените медиуми“ на Македонскиот музички архив.
Програмата ја збогатува и ДЈ сет на Винко Барич од Хрватска, Зоран Цекиќ од Србија и кочанчанецот Тошо Филиповски.
Во рамки на целодневниот настап ќе биде промовирана и книгата „Хрватски панк и Нови вал“ од Винко Барич, изложба „Нови бранови – Деца на социјалимот“ од Зоран Кардула и изложба на стрип табли „Барокни човек“.
Во вечерните часови настап во Градскиот парк ќе имаат познати рок групи од Македонија и гости од Хрватска.
И. Матеничарски
