До 9 ч. во Кочани на гласање во вториот круг од Локалните избори излегле 2308 граѓани или 7,01 отсто од запишаните избирачи.
Од Општинката изборна комисија информираат дека сите избирачки места се отворени навреме и гласањето се одвива без проблеми. На избирачките места нема поголеми задржувања на гласачите, освен на одделени места каде што гласаат поворасни граѓани..
Во општина Кочани се запишани вкупно 32.926 гласачи и 63 избирачки места, но тие ќе гласаат на 60 локации, со оглед што на три места се запишани помалку од десет избирачи кои правото на глас го остваруваат во соседното најблиско избирачко место.
И. Матеничарски
Фото: A. Арсов
