Полициски службеници ноќеска лишија од слобода 47-годишен жител на селото Грдовци, кочанско, откако бил затекнат како управува возило под дејство на алкохол.
Според информациите од Министерството за внатрешни работи, на 28 јули 2026 година, околу 00:55 часот, на улицата „Сремски фронт“ во Штип, при сообраќајна контрола било запрено патничко возило „Опел“ со кочански регистарски ознаки, управувано од Д.Т. (47).
При извршеното алкотестирање било утврдено дека возачот имал 1,79 промили алкохол во крвта, по што бил лишен од слобода.
По целосното документирање на случајот, против него ќе биде поднесена соодветна пријава.
