Градоначалникот на Општина Виница Ивица Димитров викендов учествуваше на Меѓународната конференција Урбана алијанса „Патот на свилата“ , што се оддржа во градот Ангангјаџие Кина.
На тема “Дијалог за еколошка конзервација, решение за заеднички урбан развој“ учесниците дебатираа на теми поврзани со промовирање и поврзување, споделување придобивки, културна и трговска соработка како и пријателски односи меѓу градовите-членки.
На конференцијата присувствуваа преку 200 делегати од целиот свет од областа на туризмот и развојот, меѓународни туристички организации, претпријатија како и научници и експерти.
Конференцијата претставува совршено место за стекнување нови искуства, можност да се види функционирањето на други општини во светот како и промоција на градот Виница.
