Членовите на Клубот за планински спортови „Осоговски Орел“ викендов организираа планинарска акција за искачување на највисокиот врв на планината Ниџе, Кајмакчалан на 2.521 метри надморска височина.
Искачувањето се реализираше од грчка страна на планината Ниџе, со почетна точка од Ски-центарот Ворас на патека долга 12 километри во двата правца. Планинарите го искачија врвот за 2 часа, во идеални услови на сончево време и снежна покривка.
КПС „Осоговски Орел“ е активен во повеќе видови на планински спортови како што се планинарење, планинско трчање и планински велосипедизам, промовирајки го спортот како здрав начин на живот.
Од КПС „Осоговски Орел“ најавија дека викеднов што претстои нивни членови ќе земат учество на 10. издание на планинската трка „Струмина Трејл“ во Штип.
И. Матеничарски
