Градоначалникот на Општина Кочани, Владко Грозданов во видео изјава информираше за активностите за отстранувањето на доградбите пред угостителските објекти во Трговскиот центар блок А во Кочани.
-Денес во Општина Кочани се спроведува законот на мирен, културен и заеднички начин. Сопствениците на пицериите и кафетериите во Трговскиот центар во Кочани започнаа отстранување на бесправно доградените делови од јавните површини, во согласно со законот и договорените рокови и обврски што ги утврдивме заеднички на состаноците на почетокот на годината. Сакам да истакнам дека нивниот одговорен пристап е позитивен пример за почитување на законите и заедничката грижа за јавниот простор. Со овие активности обезбедуваме поголема безбедност, сигурност и проодност што е најважно за безбедно движење на граѓаните. Јавните површини мора да бидат достапни и функционални за сите, за пешаците, родителите со деца, повозрасните лица и лицата со попреченост, изјави градоначалникот Грозданов.
Притоа, истакна дека кафе баровите се отвораат од три страни и тендите остануваат како што е законски дозволиво. Пицериите на терасите од источнтата страна на Трговскиот центар блок А целосно ги отстранувааат доградените делови, вклучувајки ги и платформите и надстрешниците.
-Истите стандарди ќе се применуваат и за нив и за сите угостителски објекти во кочанското подрачје. Наша цел е уреден, безбеден и современ град во кој јавниот простор е во служба на граѓаните, заврши Грозданов.
